கிரிக்கெட் விளையாடியதை பெற்றோர்கள் கண்டித்ததால் இளைஞர் விஷம் குடித்து தற்கொலை

கிரிக்கெட் விளையாடியதை பெற்றோர்கள் கண்டித்ததால் இளைஞர் விஷம் குடித்து தற்கொலை

கோவை அக்டோபர் 3-

பொள்ளாச்சி அருகே கிரிக்கெட் விளையாடியதை பெற்றோர் கண்டித்ததால் இளைஞர் விஷம் குடித்து தற்கொலை செய்து கொண்ட சம்பவம் சோகத்தை ஏற்படுத்தி உள்ளது.

கோவை மாவட்டம் பொள்ளாச்சி அடுத்த கரையான் செட்டிபாளையம் கிராமத்தை சேர்ந்தவர் ஆறுமுகம். இவரது மகன் முருகேஷ்(20). இவர் வேலைக்கு செல்லாமல் நண்பர்களுடன் கிரிக்கெட் விளையாடி வந்ததாக கூறப்படுகிறது.

இதனால் பெற்றோர் அவரை கண்டித்து, வேலைக்கு செல்லும்படி அறிவுரை கூறி உள்ளனர். இதனால், முருகேஷ் மனமுடைந்து காணப்பட்டு வந்துள்ளார். இந்த நிலையில், வாழ்க்கையில் விரக்தியடைந்த அவர் சம்பவத்தன்று வீட்டில் விஷத்தை குடித்து தற்கொலைக்கு முயன்றார். வெளியே சென்றுவிட்டு வீட்டிற்கு திரும்பிய பெற்றோர், முருகேஷ் மயங்கி கிடப்பதை கண்டு அதிர்ச்சியடைந்தனர்.

இதனை அடுத்து, அக்கம் பக்கத்தினர் உதவியுடன் அவரை மீட்டு சிகிச்சைக்காக கோவை அரசு மருத்துவமனையில் அனுமதித்தனர். அங்கு அவருக்கு தொடர் சிகிச்சை அளிக்கப்பட்டு வந்தது.

இந்த நிலையில், நேற்று முருகேஷ் சிகிச்சை பலனின்றி பரிதாபமாக உயிரிழந்தார். இதுகுறித்து புகாரின் பேரில், கோட்டூர் போலீசார் வழக்குப்பதிவு செய்து விசாரித்து வருகின்றனர். பெற்றோர் கிரிக்கெட் விளையாடக்கூடாது என கண்டித்ததால்

இளைஞர் தற்கொலை செய்து கொண்ட சம்பவம் அந்த பகுதியில் சோகத்தை ஏற்படுத்தி உள்ளது.